တိတ်ဆိတ်ချောက်ချား
စိတ်ဗျာများခြင်း
ငှတ်တွေလည်း
အိပ်တန်းတက်
ဇီးကွတ်တစ်ကောင်သာ
ပြူးကြောင်ကြောင်နဲ့ အိပ်မရ
စိတ်တဇဖြစ်နေရှာတယ်။
ညမှကြားရတဲ့ခြေသံ
နှင်းကြဟန်ဆိုပေမဲ့
တောင်ပြိုသံထင်တယ်
သစ်ရွတ်ကလေး
တရွက်အပေါ်
တစ်စက်စက်ကျတဲ့ မိုးရေသံကိုပဲ
ရင်မှာမှန်းနေသလိုလို
ညရဲ့အဖော်မဲ့
အတွေးတွေက
ကလေးစိတ်လိုအားငယ်
နုနယ်လွန်းလှတယ်။
ညဟာ ညမို့
မလှနိုင်တာ သိပါတယ်။
ဒါဟာနိယာမ မဟုတ်ဘူး
ဒါဟာလုပ်ကြံမှုဖြစ်တယ်
အေးချမ်းမှုဖြင့်
တည်ဆောက်လေ။
တစ်နေ့တော့သိရမှာပါ။ ။ ။
သူငယ်ချင်းတစ်မင်းကို အမှတ်ရလွန်းလို့ မင်းကဗျာလေး
တမ်းချင်းအဖြစ် တင်ပြလိုက်တယ် မင်းရဲ့ခံစားချက်တွေ
ရင်ဖွင့်လိုက်တယ် ချစ်သောသူငယ်ချင်း မင်းမကြားနိုင်ဘူးနော်
မင်းအတွက်ကော အားလုံးအတွက် ငါဝမ်းနည်းနေတယ်။ ။
မင်းတို့အတွက် ငါအချိန်တိုင်းတွေးနေတယ်
ငါတို့တတွေအလုပ်လုပ်နေတယ် စိတ်မချနိုင်တဲ့ မင်းတို့အတွက်
စိတ်ချနိုင်အောင် မင်းတို့တွေ မြင်သွားအောင် ယုံကြည်သွားအောင်
ငါတို့တွေကြိုးစားနေပါ့မယ်။။
ထောင်တွင်းကသူငယ်ချင်း
ကမ္ဘာ ကမင်းကိုမသိပေမယ့် ငါတို့တွေသိနေတယ် ရင်တွင်းမှာလေ
အစဉ်ထာဝရ လေးစားနေပါတယ် အန်တီရယ်၊ စိတ်ဓာတ်ချင်းတူ
အသွင်တူနေလို့ တစ်ခါပဲ တွေ့ ဘယ်ခါမှမမေ့ပါဘူး အန်တီရယ်။ ။
No comments:
Post a Comment